唔知從幾時開始，
大家會覺得，需要體重控制的，就等於要斷六親、無晒朋友。
又或者會認為唔可以出街食飯，一定要係屋企烚菜。
當然，體重管理其間，最好係係屋企食。
話晒一定會比係出面的少油和少鹽。
但，也不一定不可外出食飯。
如果真的要吃 大牌檔，也有選擇的。
是晚，與2位友人大牌檔，
點了: 椒鹽九肚魚 (這個當然不是推介!!!!)、霸皇雞半隻、蒜蓉蒸中蝦及金銀蛋莧菜。
我最推介的，當然是金銀蛋莧菜啦!! 真係又好味，又健康 (如果唔食皮蛋同鹹蛋)!!
蒜蓉蒸中蝦，就通常會偏咸，所以，要撥走d蒜頭。
霸皇雞，相比炸子雞好得多，也算得上健康!
椒鹽九肚魚，不用我說，都知道了。
