墨魚丸

墨魚丸係我愛既小食之一。

仲記得個時好興「日之船」既時候 (如果你係為食分子，你會知我講咩….哈哈)，
我成日係咁買黎食!
仲要自己K.O.晒成盒……

雖然墨魚丸看似較健康的小吃，但實情並不如此。
墨魚丸，其實是用上粉漿，再加上用油''煎''成的。
由於要不黏鑊/個塊鐵板，有時，製作人都會落幾多油下。
而且，墨魚屬高膽固醇一族，不宜吃太多!
仲有，就是那個醬……
加了墨魚丸醬仍不夠，還要加大量沙拉醬!

別小看細細粒的墨魚丸，如果你吃下4粒，我會要你食少一份CARBS!

鹽湯雞肉鍋定食

見到呢張相，
無錯，我又同朋友出去食野啦!
尋日講完前菜，又點可以無主菜!!!

係這家店，好多野我都好想食，所以，諗左15分鐘……
(分分鐘多過15分鐘，我與友人真的有選擇困難症! 在旁既人聽到我地好大聲咁討論食咩好，一定覺得我地好煩…哈哈)
好! 決定要這個吧! 鹽湯雞肉鍋定食。

等我講下有咩先，就係有:
一鍋雞同菜(仲有豆腐同菇菇的)、一小碟漬物 (年藕及2小片雞)以及一碗飯。
統統我都消滅了!!!!
咁食法，到底多唔多呢﹖
我都係會答你: 因人而異啦!
對一般人來說，都可說是正常的:
3份碳水化合物，3份蛋白質，1份蔬菜的份量。
對於一個需要1600卡路里的人來說是恰當的!

小魚蔬菜豆腐

前菜不一定要叫''中華沙律''，

又或者''辣味八爪魚''，

甚至乎''蟹子沙律''。

這個小魚蔬菜豆腐 (配日本醋汁 -- 無油的！)，

也很醒胃。

而且，豆腐含有鈣質，新鮮蔬菜也有纖維！

話時話，這個其實可以在家自己整的！！！

奶油特脆豬仔包

相信大家對於呢個包一D都唔會陌生。

其實我也很愛吃這個的…

唔知點解佢個包總係軟軟的，一咬落去，我都不自覺地笑左，因為好好食……..哈哈

但其實佢係勁肥的!

成個包都塗滿牛油，仲有好多煉奶!!!

請注意: 這個包的熱量高於你一碗飯的熱量!

一個奶油豬賣$16 的確有佢個原因。

不過好彩佢係賣$16，而唔係$1.6!

如果唔係成日食，做幾多運動都補唔番呀!!

鐵板牛柳粒蕃茄湯讚岐手打烏冬

這個冬冬，大家估下我比唔比你食﹖

答案當然係，睇下你咩情況啦! 哈哈…

這個冬冬，

不健康的地方是，原來佢有一堆炸蒜頭。

(已經比我撥埋一邊。)

同埋個蕃茄湯味較濃。

加左糖同鹽，我想是必然的。

所以別當羅宋湯似的，一匙一匙地喝。

但健康的地方亦有，

湯底不是很油，比豬骨湯底一定好。

而且，有幾舊蕃茄調下味，唔錯!

加上，牛是瘦瘦的牛柳粒，而不是又肥又薄的肥牛!

游水去….

10堂的游泳訓練改良班終於都完了!
最辛苦的，不是要做運動，而是要早起身……..
我報的是，早上7時!
無錯! 當你地仲訓緊覺既時候，我就已經係泳池。
當我既朋友知道我晨早去游水，都會話:「好勁丫你!」
其實，我唔覺有咩咁勁…….(請唔好誤會我，覺得我好串。)
講真，你都可以架! 人人都可以做到!
只係，你肯唔肯做既問題。
如果你肯做，唔會話唔得!

我有既時間唔會比你既多，
我要做既事也唔會比你既少，
有無時間做運動，就真係要睇下你將健康排第幾。

話時話，我上堂成日都會遲到 (雖然只係5-10分鐘)，
所以，我一d都唔勁。
準時既同學仔同埋6點就去游水既泳客仲勁!!!!!!