水泡餅

你有幾耐未食過水泡餅?

仲記得細細個既時候，好鐘意食水泡餅同花塔餅。

每次同媽媽行街市個時，都會扭計要買5蚊!

個陣時買餅，除左可以一包包的係超市買，仲可以幾蚊幾蚊的係「餅攤」買。

(註: 「餅攤」是虛構的，因為我唔知道點叫好…個時，有d只係專係賣餅既地方會有好多罐用鐵罐裝住既餅賣，有唔同既夾心餅、南乳餅、梳打餅、瑪莉餅、煙仔餅等等…好多好多款! 如果要買，佢地會秤下你要幾多……跟住用個透明膠袋裝住。)

話時話，唔知而家仲有冇呢d比較懷舊既地方?

好，想完當年，等我話番個事實比大家聽。

就係，唔好見水泡餅無乜油又無乜味就可以成包食晒。

其實，卡路里同糖份都唔低。

當然，有節制地進食，我也批准的!

有時候，唔係下下都梳打餅，水泡餅也可!

而且，當我食水泡餅既時候，覺得自己個下好似細個左……哈哈

三文魚親子飯定食.

至於，友人所選的三文魚親子飯定食，那碗麵因去除了辣油，所以會健康少少。

唔好睇見好似又麵又飯以為好多，
其實全SET只有4份碳水化合物、2份蛋白質、2份脂肪， 約550卡路里。
是我給1400餐單有時也准吃的份量。

所以，別說﹕「營養師乜都唔比人食！」

帶子蟹肉沙律飯定食

與朋友們吃飯，好多時我都會係話事個個。
無計，人人都話無所謂。
咁就，去食日本菜吧！
日本餐廳，差不多人人都岩。
仲有就係，健康之選特別多﹗

不過，像我這個，已然算係唔健康，
點解？咪就係我個拉麵揀左辣味麵豉囉﹗
你睇！碗麵真係幾紅下﹗

所以，唔想吸收額外油份的話，要''走辣''！！

紅菜頭汁

青瓜汁、苦瓜汁、甘荀汁……………可能你會聽得多，

但紅菜頭汁，你有否聽過?

又或者，你又有無飲過?

紅菜頭，係西方會常見一點，

但中國/香港可能少一點吧!

所以當係「有機地」搵到這支紅菜頭汁，

我是很高興的!

因為我以為只是在西餐廳才可見「紅菜頭」的出現。

雖然含紅菜頭的食物的顏色總是紅紅的，

但並沒有添加任何色素，

它，只是紅菜頭的天然色素--甜菜紅素(betacyanin) 。

其實紅菜頭的營養價值是很高的!

其中一項就是，甜菜紅素擁有強力的抗氧化功能!

可減低體內自由基對皮膚、血管等的侵襲，

對健康有一定的好處!

個人認為，將青瓜及蘋果加入紅菜頭汁，味道更佳!

單車機

食左咁多野，係時候講下運動啦!

之前介紹過「樓梯機」同「跑步機」，

係時候介紹下「單車機」。

*註: 我做的是LEVEL 3，RPM 80左右

時間也是花上了半小時，而所消耗既卡路里是200左右。

如果你記得既話，我同樣是用上半小時做運動，

但熱量消耗最多的是，「跑步機」>「樓梯機」>「單車機」

不過當然這不是一定的!!

只是給大家一個參考。

TRIPLE的麥樂雞

最近，朋友們不斷的在討論麥當當18件麥樂雞，

還有，它的醬。

其實，我不明白有甚麼好討論，

明明之前就已經推出過。

不過，個時好似係1星期推出2種味，然後可以揀1款。

而家就，一次有齊4種口味。

由於我係一個係面對食物時，自制能力較差既一個人，

所以，我前2天，係「麥樂雞」的轟炸下，我真的好想好想食麥樂雞………的醬。

對我黎講，我不是對那個雞有興趣 (那個雞的製作過程很恐怖)，但就是想’’試’’ ( <-藉口，一早已經試左) 那個醬。

當然，我就捉了友人陪我食………哈哈

不過，我一邊等食，一邊就想:

其實那個18件麥樂雞，真的很EVIL!

一個麥樂雞套餐原本都是只得6件雞，但現在是它的3倍!!

油份同脂肪也是它的3倍!!!!!!!!!!

所以，最少要3個人SHARE，才好叫!

其實3個人也不是最好，最好有6個人SHARE!

除番開，即係每人3件，已經有半盒正常既分量!!!

想到這點，

我不想買了，但已經太遲。

友人已經捧著那個餐回來…………..

結果，吃了9件!

比正常份量(6件) 多了一倍。

而只是想食醬既我，

無啦啦吃左9件我不想太有興趣既雞。

我直到下個月都不會麥當當了!

便便黑星的早餐

見過不少客人，發現原來很多人都有同一個健康問題，就是便便不暢順。

問題不外乎食得太少蔬果，又或者飲得太少水。

太少的蔬果令便便難以形成，而太少的水份令便便變硬，難以排出    。

不過，如果我叫你地加多d菜同飲多d水，你地一定會話「我夠知啦！」

所以，係哩度就介紹個通便早餐。

就係…………….ALL BRAN

只要1杯脫脂奶 加半碗ALL BRAN，健康好味飽肚之餘，亦能掃走便便。

話時話，聽說ALL BRAN好味左…. 有冇人買開拎D比我試下呀???

茄汁小龍蝦扁意粉



除左食，我仲鐘意行IKEA!
一有時間，唔理有冇野買都好，唔知點解都會入去行個圈………
然後，食埋野! 哈哈!!

呢個茄汁小龍蝦扁意粉，龍蝦仔既分量相對出面所吃的多；
茄汁中亦加入新鮮蕃茄粒，不是只有酸酸既蕃汁同甜甜既糖；
而值得讚的是那個扁意粉是爽身，可以一條條分開的，而不是一''PAT''野咁。
有咁既質素，只售$29，可說是便宜!!
而家食茶餐廳都唔止呢個價。 (物價通漲得十分犀利，但我既人工1蚊都無加過…)

仲有就係，呢個扁意粉比到你3份碳水化合物、2份蛋白質、1份脂肪同0.5份蔬菜!
雖然欠缺少少蔬菜，但出去食黎講，算係唔錯!!

WHIPPED CREAM 有幾多卡?

尋日講左個個邪惡鬆餅，都有成400卡。
咁到左mocha啦~
你記得既話，我係揀左skimmed milk，但要埋whipped cream。

看!

那可惡既whipped cream，有成114卡路里!
仲要全部都係脂肪!!!!!!!!!!!!!
作為麵包愛好者既我，下次都係食多塊麵包好過食個2啖cream!!!

與友人見個面，好多時都會揀café。

原本，我打算揀salad。

但，那個朱古力榛子鬆餅在呼喚我……..

而且，原本諗住走whip cream。

但，我真係好想食……..

結果，比錢個刻:

「唔該，一個朱古力榛子鬆餅，同iced mocha, 要skimmed milk，少甜 同要whip cream…」

(我知我好麻煩…….)

可能，要skimmed milk既人通常都係走whip cream, 所以那服務員都不禁再問:

「請問，要唔要whip cream話?」

我亦強調我那個古怪既配搭: 「要呀! 我好鐘意個個whip cream架! 但係就要少甜同skimmed milk!」

我明白有時候，真係會好想、好想、好想食一樣唔健康既食物。

正常既情況下，我都會話: 「咁咪食囉! 如果成日咁忍，對自己個mind都唔好啦!」

不過，我咁講，唔係叫你地放縱自己，大飲大食! 

同埋，知我者的，都會知道食完要付出的!

看!

跑番40分鐘，消耗番個鬆餅，就可以了!

至於那個whip cream…..哈哈!