水泡餅

你有幾耐未食過水泡餅?

仲記得細細個既時候，好鐘意食水泡餅同花塔餅。

每次同媽媽行街市個時，都會扭計要買5蚊!

個陣時買餅，除左可以一包包的係超市買，仲可以幾蚊幾蚊的係「餅攤」買。

(註: 「餅攤」是虛構的，因為我唔知道點叫好…個時，有d只係專係賣餅既地方會有好多罐用鐵罐裝住既餅賣，有唔同既夾心餅、南乳餅、梳打餅、瑪莉餅、煙仔餅等等…好多好多款! 如果要買，佢地會秤下你要幾多……跟住用個透明膠袋裝住。)

話時話，唔知而家仲有冇呢d比較懷舊既地方?

好，想完當年，等我話番個事實比大家聽。

就係，唔好見水泡餅無乜油又無乜味就可以成包食晒。

其實，卡路里同糖份都唔低。

當然，有節制地進食，我也批准的!

有時候，唔係下下都梳打餅，水泡餅也可!

而且，當我食水泡餅既時候，覺得自己個下好似細個左……哈哈