土匪雞翼

識我既人，都知道我愛吃!

唔識我既人，你睇我個blog，都知道我真係好鐘意食!

每次吃開這家，都會點的……

土匪雞翼

當然，我不會一口氣吃下3隻!

雖則，它不是炸的，但都好油膩下!

所以，當有2人同行時，才叫3小隻。

一人分一隻!

正所謂「小吃多滋味!」

好味既野唔需要多吃，小吃也很滿足!!!!

我係一個貪小便宜既人!!!!!!!!!!!!!!!

所以GROUPON一出，我會好開心!

因為好多時D GROUPON可以平成半!

你睇! 我真係GROUPON既FANS…哈哈

仲記得，我一口氣買左10張FOYO! 仲有BURGER……..

不過，咪住!!!!!!!!!

你諗下，當1杯FOYO有350卡路里，10杯有3500，夠你肥一磅!

當1個BURGER有700卡路里，5個有3500，亦都夠你肥一磅!!

你慳埋慳埋既錢，就拎左去減肥….(我不是有心倒公司米的…..)

又或者辛辛苦苦減左既脂肪，又因為GROUPON就到期，就係咁食。

GROUPON係可以買，但都真係諗下自己有冇用，會唔會去食先!

同埋，食既個樣野係咩!

唔好覺得好抵，(好似我咁 )就買左一大堆。

結果苦了自己個荷包同身型!

死啦!買左咁多GROUPON咁點算好呢?

唯有請人食啦………….

咁咪同比原價一樣???!!!!

我愛壽司!

壽司，的而且確是出去食飯不錯既選擇!

不過，好多時，你地好識捉字蝨，請注意，我指既壽司類型並不包括: 天婦羅!!!!!!!!!

(原因係點解，都唔駛我解啦…..咪就係炸既囉!)

有時，亦要留意卷物有冇包住炸蝦，因為你地好多時都唔睇，唔理入面包住D咩就放入口!

壽司雖然好食亦清淡，但都要注意份量。(至於食幾多，就因人而異。)

記住，魚生下的，是一整舊飯!

翠肉瓜炒肉片

有時候，食野真的不需要太複雜，

亦不需天天「滿漢全席」似的。

簡簡單單的「翠肉瓜炒肉片」已經好好味!

話時話，而家d瓜好甜下，落好少好少盬已經好好味!!!!

想再香d，就用蒜頭爆爆鑊啦!

豬腦

由我有印象以黎，我真係好似無食過豬腦… (雖然聽就聽得多!)

今趟去澳門，見識了，亦品嘗了!

這碗結集了豬腦、豬腸、豬潤等既米粉，膽固醇一定超晒錶!!!!

要記住，內臟既膽固醇是十分高的!!!!

不過，未試過，我就梗係會試下啦……(係人都知我係敢死隊…哈哈)

當然，我試既份量是十分少! 我想，是試食既SIZE… (即一啖!)

等我形容下: 個味好似好濃既豬潤(其實我覺得係腥腥地)，個質地似唔滑既豆腐…

其實，我覺得都幾唔好味下…….(唔係我口味)

最好有10個人SHARE 呢個米粉先好叫!!!!

如果真係非常鐘意食，唔食唔得，我都會批准一年食一次。 (不過我相信無咩人真係會鐘意成咁…)

當然，平日飲食一定要乖啦!

天氣很炎熱…

近排天氣真的很熱，所以好多人都會冇咩胃口食野，而我亦要以清淡冰涼為主！

看看我弄了甚麼？

無錯，就係完全唔駛用腦既—青瓜薯仔蝦蝦(還有一隻蛋的)''沙律''

我食既分量就用上一個薯仔、一絛青瓜、一隻蛋蛋，還有10隻大蝦仁。(全兜400卡路里都無!)

睇到呢到，你一定會話…營養師成日叫人烚野，一D味都無！

不過，睇得呢個BLOG點會咁簡單！是有秘密武器的！

登……登……登……就是

柚子沙律汁

有時，我地唔係唔比你地用沙律醬(mayonnaise)，只係唔好成日食親沙律都用。

就以我介紹既柚子沙律汁為例，一湯匙只係得9卡路里，沙律醬是它既5倍有多!

脂肪更是冇的!!!

不過，呢個汁鹽份幾高下，都唔可以狂落!

最多1.5湯匙好啦!!

跑步機

尋日做完「樓梯機」，今日就用「跑步機」。

你地成日都問我，要做咩運動，要做幾耐，要有幾多日運動…….等等等等既問題。

其實，運動同飲食一樣，都係因人而異的。

別人做的，也要看看適不適合自己。

而且，你地另外好鐘意問既問題係………

做咩運動可以消耗多d熱量?!

好吧! 今日做個對比吧!

我同尋日一樣，做左差不多半個鐘頭運動。

 估下可以消耗幾多卡路里? 

*請注意* 我跑的當然不是1km/h ,  而是10km/h同埋有2%斜 (gradient)。

答案是:

400卡路里!