車厘子

而家係夏天，即係食生果既時令季節。

所以，營養師又多個原因叫你地食生果!

不過，唔係樣樣生果都食得，而且，份量也不是任食的!

看見某位人客既food diary寫住: 車厘子

我就問:「依? 咁你食左幾多粒呀?」

佢話: 「買左一磅呀!」

我又問:「咁食左呢?」

佢答: 「一磅….」

我都未黎得切反應，不過佢應該知自己食多左，就即刻講:「而家d車厘子真係好甜，好好味呀。又新鮮，又靚喎! 唔係夏天好難搵到架! 哈哈! 但係我都知一磅係幾多既，不過，食下食下就食晒啦…哈哈!」

尋晚，正好媽媽又買左車厘子。又是買左一磅。我即刻諗起我可愛既客人…雖然我媽已吃了幾十粒，但餘下的，我分左2餐食，每次15粒左右。我估計，一磅車厘子應該有成40粒。 而15粒既份量，已經有半碗! 如果我地計車厘子，我食既份量其實都唔只一份。所以，人客，你超標得都有成倍! 下次食車厘子，請數一數，量一量!

嘻嘻! 不要投訴我擺你上枱 =)